Ѓорче Петров е во големото финале откако со 39:18 го совлада тимот на Вардар во првиот полуфинален меч и сега ќе го чека победникот од вториот полуфинале меч меѓу Чаир и Металург Автокоманда.
Екипата на Ѓорче Петров која беше во улога на фаворит на првиот полуфинален меч од Ф4 турнирот кој се игра во СРЦ „25 Мај“ во Радовиш одлично го отвори натпреварот против Вардар и беше со предност од три до четири погодоци, а предност во финишот на првиот дел се зголемуваше и дојде до седум на полувреме.
Ѓорче Петров постојано имаше водство и воопшто Вардар не дојде до ситуација да може да дојде до ситуација да има резултатска предност.
На полувреме „лавиците“ имаат предност од 19:12 и практично веќе го решија натпреварот со тоа што имаат сериозна предност која според играта на Вардар од првиот дел беше недостижно да се стигне.
Во вториот дел Ѓорче Петров тргна фуриозно и го полнеше голот на Вардар и така „лавиците“ стигнаа до својата цел – влез во големото финале откако славеше со убедливи 39:18.
За „лавиците“ најпрецизни беа Ана Марија Коларовска со шест гола, а по пет гола имаа Ивана Дежиќ и Ана Вранчиќ, кај Вардар шест гола имаше Леона Миленкоска.
Вториот полуфинален меч меѓу Чаир и Металург Автокоманда ќе започне во 19:30 часот.
