Со вечерашните четири натпревари, официјално се комплетираше групната фаза на возбудливиот турнир „Враништа 2025“. Тимовите го одиграа последното коло во групната фаза, а некои од нив си го обезбедија местото во нокаут рундата, додека за други патувањето завршува тука.
Бел Мерцедес со службена победа од 1:0 против тимот на Македонија, кој не се појави на теренот.
Инекс Олгица вечерва настапи двапати. На првиот натпревар доби уште една службена победа (1:0) против Хаџијан од Ресен, а потоа во импресивен меч славеше со 6:3 над ДООЕЛ Ноче, покажувајќи одлична форма и сериозни амбиции за завршницата од турнирот.
Во последниот дуел од вечерта, Станица и Викса Пром ја победи екипата на Брумел со 2:0, победа што им обезбеди сигурен пласман понатаму, додека Брумел со овој пораз заврши со настапите во групната фаза.
Со оваа вечер, групната фаза официјално завршува, а сите погледи сега се насочени кон нокаут фазата, која ветува уште повеќе емоции и спектакл.
Сабота (24 мај) ќе биде слободен ден, па сите екипи ќе имаат можност за одмор и подготовки пред решавачките натпревари.
Нокаут фазата продолжува во недела, каде што ќе започне елиминациската борба за шампионската титула на турнирот „Враништа 2025“.
Спортска Мрежа е медиумски покровител на овој спортски настан веќе неколку години.
- ТАБЕЛИ ОД СИТЕ ГРУПИ НА ВРАНИШТА 2025:
