Денес се комплетираше 2. коло на Трета лига – Запад со два натпревари. Поранешниот прволигаш Ренова со убедливи 0:4 го декласираше Вардар во Брвеница, откако домаќинот се распадна во вториот дел од мечот откако си даде автогол.
Во 14. минута од играта Фатјон Имери постигна гол за 0:1 резултат со кој се замина на полувреме. Во вториот дел Рефет Синани си постигна автогол, а со тоа Ренова имаше 0:2 во 71. минута. По шест минути игра Ермал Саити стрелаше за 0:3, а пак Мартин Стојаноски во 89. минута ги постави конечните 0:4.
Доброшти на домашен терен со 4:2 го доби дуелот со Камјани и тоа преку пресврт. Првиот дел од мечот донесе рано водство за гостинот со голот на Блеранд Ќамили уште во 6. минута од мечот. Во вториот дел Бесник Ељмази стрелаше за 1:1 во 57. минута, веќе во 65. минута и комплетен пресврт на Доброшти со голот на Арбен Гафури.
До крајот на мечот Харис Сулимани со два гола зголеми на 4:1. Во финишот на мечот Ерен Мемеди погоди за конечни 4:2.
Овде можете да го погледнете извештајот од вчерашните натпревари од Трета лига – Запад.
