Денес беа одиграни четири натпревари од второто коло на Третата македонска фудбалска лига – Запад.
Во дербито на Напредок и Љуботен кое се одигра во Кичево, екс прволигашот со гол во финишот дојде до голема победа и освојување на трите бодови.
Тео Симњановски погоди во 29. минута за водство на гостинот од Тетово, а пред крајот на првиот дел Мојсеј Зафироски и Жарко Симјаноски погодија за пресврт од 2:1 на полувреме.
Во вториот дел Ивица Костадиноски постигна гол во 76. минута за 2:2, а десет минути подоцна Никола Аврамовиќ стави точка за победа на Напредок од 3:2.
Ланскиот второлигаш Тетекс на домашен терен со 2:0 славеше над новајлијата Велазерими од Слатино. „Штофарите“ потешко од очекуваното стигнаа до овој триумф, откако Бојан Стрезовски во 77. минута постигна гол за 1:0, а во судиското надополнување Филип Димитроски ги постави конечните 2:0.
Шампионот Влазерими кој него помина баражот за Втора лига забележа триумф од 0:2 во дербито со вицешампионот Џепчишти.
Во финишот на првиот дел Дрин Рустеми си постигна автогол за 0:1 за гостинот. Во вториот дел продолжи неизвесноста околу трите бодови, а Албулен Имери во 70. минута погоди за 0:2 со што шампионот влезе во помирна завршница и со тоа на крај се радуваше на трите бодови.
Дрита ја забележа највисока победа откако со 4:1 на домашен терен славеше над Речица во меч каде Брендим Рушити бееше двоен стрелец, а по еден гол постигнаа Хузри Џемаили и Бесим Алили. За гостинската екипа стрелец на единствениот гол беше Артан Бајрами.
Колото ќе се комплетира утре со два натпреври. Доброшти ќе го пречека Камјани, а пак Вардар Брвеница ќе игра со некогашниот прволигаш Ренова.
