Денес беа одиграни натпреварите од 3. коло на Третата македонска фудбалска лига – Југ, која рунда донесе погодоци на сите натпревари освен на мечот во Крушево, каде Питу Гули и Венец од Долни Дисан ремизираа без погодоци (0:0).
Превалец забележа триумф од 0:2 над екипата на Ултрас на тешко гостување, каде во првиот дел мрежите мируваа и на двете страни. Во второто гостинот одигра цврсто и поодговорно и реализираше преку две контри за 0:2, откако Ангел Гаштев во 58. минута погоди за 0:1, а во 75. минута поради втор жолт од игра излезе Јакопетревски.
Во 82. минута Стевковски погоди за конечни 0:2 и важен триумф за Превалец.
Новиот третолигаш Башкими 2008 на теренот во Чашка со 3:0 го декласираше Бучин, каде Јашари беше двоен стрелец, а Ахмедовски беше автор на вториот гол.
Росоман преку двата погодоци на Роналдо Фазлиов и голот на Драган Митров однесе победа од 1:3 над Влазними Јуниор, а за домашниот тим Мемедоски беше единствен стрелец.
Десет погодоци паднаа на мечот меѓу Дреново и Обршани за победа од 6:4 на домашниот тим. Хет-трик постигнаа Куртишов и Мемедов, а пак за гостинскиот тим двоен стрелец беше Сомнароски, а по еден гол постигнаа Ујгуноски и Николоски.
Екипата на Големо Коњари ја декласираше Слога со убедливи 6:0 во меч каде Тошески беше стрелец на четири погодоци, а по еден гол постигнаа Андреевски и Митрески.
