Македонскиот тенисер Горазд Србљак е елиминиран во првото коло на М15 фјучрс турнирот што се одржува во Куршумлијска Бања, Србија. Иако добро го започна мечот и поведе со 1-0 во сетови, на крајот беше поразен од четвртиот носител, Бугаринот Јанаки Милев, по два часа и 13 минути игра со 2-1 во сетови (2:6, 6:3, 6:1).
Србљак го освои првиот сет со убедливи 6:2, благодарение на два реализирани брејка во четвртиот и осмиот гем. Во вториот сет, битката беше израмнета до 2:2, но Милев потоа ја презеде иницијативата и со серија од 4:1 во гемови израмни на 1-1 во сетови. Во одлучувачкиот сет, бугарскиот тенисер беше доминантен, славејќи со 6:1.
И покрај елиминацијата во сингл, Србљак продолжува да настапува на турнирот во двојки, заедно со својот партнер Обрад Марковски. Македонската двојка вчера забележа победа над српскиот тандем Стефан Скобелев / Матеја Станисављевиќ со 2-1 во сетови (6:4, 3:6, 13-11). Во четвртфиналето, кое е закажано за утре, тие ќе се соочат со шпанската комбинација Карлос Гиралди / Николас Рафаел Голдберг Алвиани.
