Во недела ќе се одигра третиот меч односно т.н. „мајсторка“ меѓу Ангели и Соколи, натпревар за финале, натпревар за влез во Првата кошаркарска лига на Македонија.
На првиот меч екипата на Ангели го декласираше Скопје, но на вториот меч штипјани во салата „Јордан Мијалков“ пред своја публика триумфираа и така дојдоа до 1:1 во полуфиналната серија, а тоа значи и трет меч.
Третиот натпревар ќе се игра во спортската сала „Независна Македонија“ во Скопје, в недела од 18 часот.
Давидов, Антовски и Богески се делегирани судии за овој меч, а Ивановски ќе биде делегат на натпреварот.
Екипата на Маџари со 2:0 во полуфиналната го доби тимот на МЗТ Скопје Уни Банка, и така тимот на Маџари испиша историја пласирајќи се по првпат во кошаркарската елита на Македонија, а во финалето за шампион на Втора лига ќе игра со подобриот во „мајсторката“ меѓу Ангели и Соколи.
