Останато

Прва прозивка за дамите, започнуваат подготовките за ЦЕВ Сребрената Европска лига 2025

Сподели
ФОТО: ОФМ
Сподели

Денес во хотелот „Горан Пандев“ во Струмица, селекторот Стефан Пауновиќ ќе ја собере женската сениорска репрезентација на Македонија во пресрет на настапот во ЦЕВ Сребрената Европска лига 2025.

На списокот на Пауновиќ се најдоа 20 репрезентативки, а првиот работен ден ќе го пропушти единствено интернационалката Тамара Стојанова, која ден подоцна ќе и се приклучи на екипата во Струмица.

Подготовките стартуваат со попладневниот тренинг во салата „Парк“ и тоа ќе биде базата на дамите се до почетокот на годинешното издание. Поради кусиот период за подготовка, репрезентацијата нема да одигра пријателски натпревари.

Женската сениорска репрезентација на Македонија по втор пат во својата историја ќе биде дел од ЦЕВ Сребрената Европска лига 2025. Дамите се во друштво на Австрија, Швајцарија, Летонија, Израел, Грузија, Луксембург, Фарски Острови и Исланд. Натпреварите ќе се одвиваат според т.н. „швајцарски систем“ односно низ три викенди ќе се играат по три турнири, а секоја репрезентација ќе биде домаќин на по еден турнир.

Македонија е домаќин на еден од првите турнири, односно од 30 мај до 1 јуни во салата „Парк“ во Струмица ќе ги пречека Луксембург и Швајцарија. Во вториот викенд нашата репрезентација ќе игра на Фарски Острови (6-8 јуни) против домаќинот и Австрија. Интересно е дека дамите ќе бидат условно кажано гости на третиот турнир, кој од 13 до 15 јуни ќе се игра во Струмица, а каде Израел ќе биде домаќин. Поради воено-политичките околности во кои се наоѓа Израел, оваа земја треба да биде организатор турнир на неутрален терен, а Одбојкарската федерација на Македонија прифати да даде логистичка поддршка. Трет учесник на овој турнир е селекцијата на Грузија.

По одигрувањето на турнирите ќе биде формирана заедничка табела на која првите четири најдобро пласирани селекции ќе изборат учество на завршницата предвидена за 14 и 15 јуни.

Женската репрезентација во Сребрената Европска лига дебитираше во изданието во 2023 година, а сега одново доби шанса да биде дел од ова европско натпреварување, каде доби и противници со кои ќе може да атакува и на прва победа.

Сподели

Не пропуштајте

Останато

(ФОТО) Сребро за Македонија во Рига – Елеонора Јосифоска од ЏК Дрим се искачи на победничкиот пиедестал!

Уште еден меѓународен успех за македонското џудо! Младата Елеонора Јосифоска, членка на Џудо клубот Дрим од Струга, освои сребрен медал на меѓународниот турнир...

ФудбалЧетврта лига

Локомотива до минимална победа, реми на Тополка и Горски, Плавник го доби Согле

Седмото коло на Општинската фудбалска лига во Велес донесе погодоци на сите мечеви, само на еден меч беше доволно еден гол за да...

Поврзани написи
Останато

(ФОТО) Сребро за Македонија во Рига – Елеонора Јосифоска од ЏК Дрим се искачи на победничкиот пиедестал!

Уште еден меѓународен успех за македонското џудо! Младата Елеонора Јосифоска, членка на...

Останато

Министерството за спорт со поддршка за инклузивната трка „Run Together 2026“ во Гевгелија

Државниот секретар во Министерството за спорт, Сашо Огњеновски присуствуваше на инклузивната трка...

Останато

Историски чекор во светскиот тенис: АТП-финалето во Торино за првпат достапно и за слепите и лицата со оштетен вид!

Завршниот тениски турнир на АТП во Торино годинава носи значајна новина која...

✕
error: Содржина е заштитена! Се забранува копирање на истата!