Доцна вечерва фудбалскиот клуб Сатеска од Волино излезе со соопштение преку кое клубот истакна дека ќе продолжи да функционира и во иднина и дека сезоната ќе биде доиграна.
Дополнително, како што се вели во соопштението пеналот во мечот со Преспа бил непостоечки, а клубот добил драконски казни, притоа потенцирајќи дека клубот нема да згасне, и дека Сатеска ќе продолжи да функционира.
„Ако и најмалку сте помислиле дека после судиската режија од страна на судијата Александар Мартиноски, кој на дерби натпреварот со ФК Преспа, во 94 минута досуди непостоечки пенал за гостите и по најмалку посакуваниот инцидент по натпреварот, драконски казни за клубот, кои во фудбалска Европа не се изречени, бојкотот од поединци од Волино, дека ФК Сатеска ќе пропадне и згасне грдно се измамивте и залудно се надевавте. И со 10 и едвај 11 играчи Сатеска ќе го доигра првенството и не само тоа буквално ги прегази двата тима кои требаше да ги прегази, Караорман и Славеј, со по шест голови во нивните мрежи. Сатеска не е обично име, таа е институција со 49 годишно непрекинато постоење. И ќе постои се додека тече рекана. Благодарност до сите кои издржаа до крај во сепак и покрај се најдобрата сезона во Третата лига, а најмногу до голманот ветеран Димче, Кипро, Лука, Филип и најмладите Бојан и Јовче, кои до крај останаа со клубот“, се вели во соопштението на третолигашот од Волино.
Екипата на Сатеска од Волино се натпреварува во Третата македонска фудаблска лига – Југозапад.
