Турнири

Пријавите се во тек за 5. Меморијален турнир во чест на Сашко Гелов – Шулц: Фудбал и емоции во Росоман

Сподели
Сподели

Од 28 мај до 6 јуни 2025 година, во Росоман ќе се одржи петтиот по ред Меморијален турнир во мал фудбал во чест на Сашко Гелов – Шулц, еден од најпочитуваните спортски настани во регионот. Турнирот, кој прерасна во вистинска спортска традиција, и оваа година ќе го обедини локалното население, спортските ентузијасти и љубителите на мал фудбал под едно име – Шулц.

Турнирот ќе се игра на игралиштето при старото училиште во Росоман, а натпреварите ќе бидат одиграни во формат 4+1. Котизацијата за учество изнесува 4000 денари по екипа, а пријавувањето е отворено до 25 мај 2025 година на телефонскиот број 077 490 684.

Организаторите најавуваат возбудлив турнир со атрактивни натпревари, фер-плеј атмосфера и богати парични награди. За првото место е предвидена парична награда 120.000 денари, за второто место 60.000 денари, а пак за третопласираниот награда од 30.000 денари.


Турнирот не е само спортски настан, туку и емотивно потсетување на личноста и делото на Сашко Гелов – Шулц, кој останува засекогаш во срцата на неговите пријатели, семејството и пошироката спортска заедница.

„Биди дел и сведок на многу бројни содржини надополнети со најдобриот фудбал. За кого? За Шулц!“ – порачуваат организаторите.

Низ својата кариера Гелов настапуваше за Росоман, Вардар Неготино, Новаци и Тиквеш. Последниот официјален натпревар го одигра на 17. ноември 2019 година, во дресот на Росоман настапувајќи на натпреварот од 12. коло против Илинден БС од Трета лига – Центар, во сезона 2019/2020.

Спортска Мрежа како и во претходните години, така и оваа година медиумски ќе го поддржи меморијалниот турнир во чест на Сашко Гелов – Шулц.


Сподели
Напишано од
Александар Ванев -

Основач, главен и одговорен уредник на спортскиот веб портал Спортска Мрежа, специјализиран за македонски спорт. Александар Ванев со спортско новинарство започнува на 1. август 2010 година, неговиот најголем проект е Спортска Мрежа, тој е спортски коментатор и во неговата кариера има коментирано натпревари од Втората и Третата фудбалска лига на Македонија, од Првата футсал лига на Македонија, Куп на Македонија, Прва и Втора женска фудбалска лига, како и натпревари од македонскиот ракомет. Ванев е член на Здружението на новинари на Македонија (ЗНМ). Ванев е спортски новинар посветен на македонскиот спорт, првиот и единствен кој темелно ја работи Третата и Четвртата (општинската лига) во Македонија.

Не пропуштајте

Останато

(ФОТО) Сребро за Македонија во Рига – Елеонора Јосифоска од ЏК Дрим се искачи на победничкиот пиедестал!

Уште еден меѓународен успех за македонското џудо! Младата Елеонора Јосифоска, членка на Џудо клубот Дрим од Струга, освои сребрен медал на меѓународниот турнир...

ФудбалЧетврта лига

Локомотива до минимална победа, реми на Тополка и Горски, Плавник го доби Согле

Седмото коло на Општинската фудбалска лига во Велес донесе погодоци на сите мечеви, само на еден меч беше доволно еден гол за да...

Поврзани написи
Турнири

Стојаково повторно ќе живее за фудбалот – новогодишен турнир со награден фонд од 410.000 денари!

Стојаково и годинава ќе биде центар на фудбалските возбудувања во декември! На...

Турнири

ФК Кул со четири генерации доаѓа на Ohrid Winter Cup и носи силна конкуренција

Фудбалскиот клуб Кул од Скопје го потврди учеството на Ohrid Winter Cup,...

Турнири

Џокер од Фурка го потврди учеството на Ohrid Winter Cup со талентираната генерација 2012

Фудбалскиот клуб Џокер од Фурка, кај Дојран, е потврден учесник на Ohrid...

✕
error: Содржина е заштитена! Се забранува копирање на истата!