Фудбалскиот клуб Кул Здравје од Скопје ја потврдува својата доминација во младинските категории, посебно во категоријата помлади пионери. Тимот е лидер во Третата младинска лига – помлади пионери, Лига Б, а на 20 мај ќе одигра финален меч за севкупен првак против екипата на Каменица Саса, која го освои првото место во Лига А.
По натпреварот ќе следи свечено доделување на пехар од страна на официјален претставник на Фудбалската федерација на Македонија (ФФМ).
Кул Здравје ја заврши сезоната во Лига Б со импресивен биланс: 17 победи и само еден пораз, освојувајќи 51 бод. Тимот го има најдобриот напад во лигата со постигнати 75 гола и најдобрата одбрана со само осум примени погодоци – апсолутна доминација во текот на целата сезона.
Во Регионалната скопска лига 2010 (петлиња), А екипата на Кул Здравје е непоразена со 17 победи и едно реми (вкупно 52 бодови). Постигнати се 82 гола, а примени само девет, што е уште една потврда за квалитетната работа и одличната селекција на млади фудбалери.
Кул Здравје е на врвот и во Регионалната скопска лига 2010 (помали петлиња), со учинок од 14 победи, две ремија и еден пораз. Екипата има 44 бодови, постигнати 52 гола и само осум примени – најдобра одбрана во лигата.
Во Третата младинска лига – пионери, Лига Б, Кул Здравје го зазема третото место со 30 бодови и учинок од девет победи, три ремија и шест порази. Постигнати се 41 гол, а примени 20, што го поставува тимот и тука меѓу најдобрите според гол-разлика.
Сè на сè, ФК Кул Здравје ја потврдува својата улога како еден од најперспективните клубови за развој на млади фудбалери во земјава.
