Прилепскиот талент Иса Цанески, кој настапува за младинските категории на тетовска Шкендија, е пред можност за свој прв меѓународен трансфер.
Цанески, кој има 17 години, своите фудбалски почетоци ги направи во ФК Прилеп, каде настапуваше од 2017 до 2022 година, по што се пресели во редовите на Шкендија.
Прилепчанецот, кој во актуелната сезона од кадетската Суперлига постигна 11 гола, веќе се наоѓа на радарот на неколку клубови – една македонска и неколку од странство, вклучувајќи екипи од Португалија и Италија.
Во наредниот период ќе стане појасно дали Цанески ќе направи трансфер во нов клуб и ќе го оствари својот прв интернационален ангажман, или ќе остане во Тетово и следната сезона ќе го носи дресот на Шкендија.
Младиот талент за Спортска Мрежа потврди дека понуди веќе пристигнуваат на негова адреса.
