Македонскиот тенисер Калин Ивановски не успеа да избори пласман во второто коло на ИТФ фјучрс турнирот М25 во Куршумлијска Бања, Србија. Во натпревар кој се одигра под рефлектори и траеше 2 часа и 8 минути, Ивановски беше поразен од чешкиот тенисер Тадеш Парулек со 2-1 во сетови (6:4, 1:6, 6:1).
Првиот сет започна израмнето, но Парулек направи брејк во третиот гем за водство од 2:1 и ја задржа предноста до крај, добивајќи го сетот со 6:4. Ивановски целосно доминираше во вториот сет, поведувајќи со 3:0 и губејќи само еден гем, го израмни резултатот со убедливи 6:1.
Во решавачкиот трет сет, Чехот повторно презеде контрола, не дозволувајќи изненадување и со идентични 6:1 го затвори мечот.
Следниот настап на Ивановски се очекува да биде на Челинџер турнирот во Загреб, каде што ќе има нова шанса за подобар резултат.
