Екипата на Ас Јунајтед забележа многу важна победа во битката да го избегне баражот и на тој начин да дојде до директен опстанок во Првата женска фудбалска лига за следната сезона.
Стружанки со 2:1 беа подобри од битолскиот Топ Гол, па така трите бодови останаа во Струга. Оливера Цоклеска беше стрелец на двата гола за Ас Јунајтед, откако во 7. минута погоди за 1:0 на полувреме, а во 78. минута ја дуплираше предност за Ас Јунајтед.
Во финишот на мечот Маргарита Талевска постигна гол откако беше прецизна во 88. минута, но само за ублажување на поразот (2:1).
Убедлива победа однесе екипата на Скопје откако на домашен терен во скопско Пржино со 5:0 го декласираше тимот на Атлетико од Битола. На полувреме домашниот тим имаше предност од еден гол (1:0) откако Мина Коваческа си постигна автогол.
Во второто полувреме Ана Боризоска во 67. минута беше прецизна за 2:0, а веќе во 72. минута Блехана Алиеска ја стресе мрежата на противникот за 3:0. До крајот на мечот Никица Трендова беше двоен стрелец за конечни и убедливи 5:0.
Сигурна победа од 0:3 славеше Каменица Саса на гостување кај Истатов. Резултатот беше отворен по само две минути игра откако Вјолца Изеири покажа на белата точка за гостинскиот тим, а капитенот Ана Димитровска беше сигурна за отварање на резултатот. Само четири минути подоцна Антонина Шопска постигна гол за 0:2, а со тој резултат се замина по првите 45 минута.
Во вториот дел Гамарт Михаела беше прецизна во 53. минута за конечни 0:3 во Пржино.
Актуелниот шампион и лидер Љуботен не виде мака против Речица и без многу мака ја совлада Речица со високи и убедливи 1:4. Победата беше најаве уште во првиот дел кога Настасја Накова погоди во 25. минута за 0:1, а по две минути капитенот Александра Марковска ја дуплираше предноста. Мрежата на домашниот тим продолжи да се треси откако голгетерката Хава Мустафа во 31. минута погоди за 0:3 на полувреме.
Во вториот дел веднаш капитулираше по четврти пат Мелани Додевска на својот гол откако Мустафа постигна втор гол за 0:4. Во 53. минута Милена Антевска ги постави конечните 1:4.
Во рамки на ова коло слободна беше екипата на Тиверија Брера од Струмица.
- ЦЕЛА ТАБЕЛА ОД ПРВАТА ЖЕНСКА ФУДБАЛСКА ЛИГА:
| Поз. | Клуб | ОН | Поб | Н | Пор | ПОС | ПРИ | ГР | БОД |
|---|---|---|---|---|---|---|---|---|---|
| 1 | ЖФК ЉУБОТЕН | 20 | 18 | 1 | 1 | 94 | 13 | +81 | 55 |
| 2 | ЖФК ТИВЕРИЈА БРЕРА АД | 19 | 16 | 2 | 1 | 88 | 8 | +80 | 50 |
| 3 | ЖФК КАМЕНИЦА САСА | 19 | 15 | 1 | 3 | 57 | 16 | +41 | 46 |
| 4 | ЖФК СКОПЈЕ 2014 | 19 | 13 | 0 | 6 | 45 | 21 | +24 | 39 |
| 5 | ЖФК СЦ ИСТАТОВ 2015 Скопје | 19 | 6 | 3 | 10 | 21 | 46 | -25 | 21 |
| 6 | ФК АТЛЕТИКО/ЖФК | 20 | 4 | 4 | 12 | 15 | 47 | -32 | 16 |
| 7 | ФК ТОП ГОЛ/ЖФК | 20 | 4 | 3 | 13 | 17 | 48 | -31 | 15 |
| 8 | ФК АСС УНИТЕД/ЖФК | 20 | 3 | 0 | 17 | 27 | 67 | -40 | 9 |
| 9 | ЖФК РЕЧИЦА | 20 | 2 | 0 | 18 | 16 | 114 | -98 | 6 |
| 10 | ЖФК ШКЕНДИЈА Тетово(-3) | 0 | 0 | 0 | 0 | 0 | 0 | 0 | -3 |
