Најтрофејниот македонски фудбалски клуб Вардар и поранешниот европски шампион Црвена Звезда одиграа хуманитарен натпревар на Националната арена „Тодор Проески“ во Скопје, хуманоста покажана на дело за трагедијата во Кочани.
На арената имаше повеќе од 25.000 гледачи, натпревар каде нацијата се обедини, а екипите одиграа за Кочани.
Вардар поведе преку голот на Михаил Маневски, а потоа српскиот тим преку пресврт победи со 1:3.
За тимот од Србија погодија Лука Илиќ, Александар Катаи и Урош Сремчевиќ со што Црвена Звезда триумфираше со 1:3 против Вардар во Скопје.
„Комитите“ направија одлична кореографија на стадионот, а на теренот продефилираа големи легенди како Балевски, Станојковиќ, Ѓоре Јовановски, Бабунски, Бошковски, Илија Најдовски, Петровиќ… големи легенди кои беа дел од овој хуманитарен натпревар.
Јосип Бартон судеше еден дел од натпреварот и со тоа се прости од професионално судење, а натпреварот го судеше Игор Стојчевски.
Над 25.000 публика, кореографија, соочување на Вардар и Црвена Звезда, со надеж дека овие две екипи одново ќе се соочат, но за убави моменти и убави работи.
