Денес на програмата е последниот ден од завршницата во одбојкарскиот Куп на Македонија во машка и женска конкуренција. Денес се играат финалните натпревари во СРЦ „25 Мај“ – сите патишта водат кон Радовиш, љубителите на одбојката, навивачите, поддржувачите и секој гледач ќе има слободен влез во салата со што се очекува салата да биде исполнета до последното седиште.
Во во 16 часот започнува женското финале каде Наковски Волеј оди на мегдан со Јанта Волеј КВ по освојување на Куп титулата, а пак во 19 часот започнува финалето кај мажите кое ќе биде реприза на ланското финале бранителот на Куп титулата Штип УГД против Струмица.
За оние кои по првпат доаѓаат во Радовиш, СРЦ „25 Мај“ е лоцирана на булеварот Александар Македонски, на спротивната страна од Црквата „Св. Троица“.
Спортска Мрежа со своја екипа ќе информира за финалните натпревари од СРЦ „25 Мај“.
