Оваа недела се одиграа четвртфиналињата од Купот на Македонија за млади категории. Екипата на Брера Струмица е единствената екипа која се пласираше со три генерации во полуфиналето.
Младинците во четвртфинале беа подобри од екипата на Македонија ЃП со минимален резултат од 1:0, благодарение на голот на Давид Ристовски.
Кадетите на Брера Струмица, исто така обезбедија полуфинале, откако во четвртфиналето струмичани беа подобри од Пелистер со минимални 1:0, а стрелец на победничкиот гол вреден полуфинале беше Флориан Рочи.
Пионерите обезбедија исто така полуфинале, откако во четвртфиналето Брера Струмица славеше против Вардар со резултат од 2:0, а стрелци беа Лука Варашаноски и Филип Кулески.
„Мораме да напоменеме дека Брера Струмица се закити и со две Куп титули со генерации 2008 и 2007 каде што бевме подобри од екипата на Пелистер и заслужено ги донесовме пехарите во Струмица“, за Спортска Мрежа истакна Борче Постолов, координатор на младинската школа на Брера Струмица.
