СПОРТСКА МРЕЖА ОД СРЦ „25 МАЈ“ – РАДОВИШ
Струмица не виде воопшто мака и со 3-0 (25:13, 25:18 25:18) го доби Борец и се чекираше во големото финале каде струмичани одново ќе се соочат со Штип УГД, со што ќе имаме реприза на ланското финале, сега струмица желна за одмазда и враќање на Куп титулата во своите редови, откако минатата сезона беше запрена струмичката доминација, а штипјани ја освоија првата историска Куп титула.
Вториот полуфинале меч започна одлично за Струмица која во првиот моменти имаше кратко неизвесност и поен за поен, по што екипата на Струмица направи резултатска предност од 10:4 и со тоа одлепи во однос на противникот Борец од Велес.
Вкавиот резултат го натера теренот на Борец да повика тајм-аут, со цел додека се’ уште има време да се поправи и да се биде во резултатски егал, што е навистина тешко против противник каков што е Струмица. Ниту после тајм-аутот не се подобри Борец, а Струмица воопшто не гледаше мака да собира поени и да прави разлика за брзо да го добие мечот, откако веднаш после тоа струмичани влегоа во низа за 15:6.
До крајот на сетот Струмица не виде мака и истиот го доби со 25:13 за 1-0 во сетови.
Вториот сет струмичани одлично го отворија со серија од 3:0, а потоа Борец намали на 3:1, но веднаш врати Струмица на 4:1. Ланскиот финалист дојде и до 6:1 водство, а потоа Борец со поен намали на 6:2.
Борец направи нова сервис грешка со што противникот дојде до предност од 9:4, па во такви околности струмичани лесно ја зголемуваа разликата и веднаш имаа плус шест за 10:4 со што Борец побра тајм-аут.
Во вториот сет Борец беше во целост инфериорен откако Струмица имаа 14:5, по што одново велешани бараа тајм-аут. Во продолжението од мечот Борец освои три поени во низа и дојде до 24:18, а потоа струмичани го добија сетот со 25:18.
Во третиот сет Борец прв го отвори резултатот за 0:2 во поени. Следуваше и пресврт на резултатот и водство на Струмица од 5:4. Во продолжението од мечот Струмица сосема очекувано градеше разлика и дојде до 19:15. На крај сетот Струмица го доби со 25:18.
Големото финале во машка конкуренција се игра во сабота со почеток од 19 часот меѓу Струмица и Штип УГД.
