Македонската фудбалска репрезентација утре во Вадуц ги започнува квалификациите за Светското првенство против Лихтенштајн, во меч Македонија е фаворит за трите бодови.
Капитенот на македонската фудбалска репрезетанција, пред мечот на официјалната прес-конференција истакна дека нашата репрезентација има квалитет за трите бодови, притоа додава дека во модерниот фудбал нема фаворити.
„Деновиве добро се спремивме и сакаме да го продолжиме победничкиот менталитет. Свесни сме што ни значат овие квалификации. Во модерниот фудбал нема фаворити и мора тоа да си го врежеме во глава. Треба да дејствуваме како тим и само така можеме до три бода и до целта која си ја поставивме. Енергијата и желбата за победа сами ќе си дојдат, имаме квалитет кој може да ни донесе три бода. Нема да го потцениме противникот“, рече Барди.
Натпреварот меѓу Лихтенштајн и Македонија ќе започне во 15 часот.
