Македонија утре против Лихтенштајн во Вадуц го отвара квалификацискиот циклус за пласман на Светкото првенство 2026.
На прес-конфенрецијата селекторот на Македонија, Благој Милевски, истака дека максимално се подготвувале за овој натпревар, селекторот вели дека го радува фактот што фудбалерите играат во своите клубови.
„Максимално се подготвуваме за натпреварот. Би било добро да почнеме со победа и да ја продолжиме серијата позитивни резултати, но до бодови можеме само со нашето најдобро издание. Ме радува што фудбалерите играат во своите клубови, имавме доста проблеми минатата година со неиграњето на репрезентативците во клубовите. Но, тие секогаш даваа максимум кога играа за селекцијата. Верувам дека сега ќе биде само подобро. За да победите мора сите линии да се на високо ниво, сите фудбалери се битни и нашиот фокус е да функционираме до максимум. Неколку фудбалери не можат да ни помогнат заради повреда, го имам стартниот тим во главата и верувам дека сите ќе бидат здрави по последниот тренинг. Имаме максимален респект и убеден сум во максимален пристап“, вели Милевски.
Мечот се игра утре со почеток од 15 часот.
