Во понеделник, на градскиот стадион во Виница, ќе се одигра хуманитарен пријателски натпревар помеѓу третолигашот Слога Виница и прволигашот Гостивар. Натпреварот, кој започнува во 15 часот, има за цел да собере средства за семејствата на загинатите во трагичниот настан во Кочани.
ФК Слога Виница упати апел до сите граѓани, љубители на фудбалот и навивачи да дадат свој придонес и со своето присуство да помогнат во оваа благородна акција, организирана во соработка со Црвен крст Виница.
Трагедијата во дискотеката во Кочани однесе 59 животи, а оваа иницијатива е мал, но значаен чекор кон поддршка на нивните семејства.
