Македонската тенисерка Лина Ѓорческа обезбеди место во полуфиналето на ИТФ турнирот во Марибор, откако во четвртфиналето ја совлада Грузијката Маријам Болквадзе со 2:0 во сетови.
Ѓорческа првиот сет го доби по голема борба, освојувајќи го тај-брејкот со 7:5. Во вториот сет таа заигра уште посигурно, искористи неколку брејк шанси и со 6:3 стигна до конечен триумф. Мечот траеше нешто повеќе од два часа, а Ѓорческа прикажа квалитетна игра против фаворизираната Болквадзе, која на ВТА листата е рангирана 90 места пред неа.
Овие две тенисерки на овој турнир настапуваа заедно во конкуренцијата на двојки, но мораа да се откажат поради нивниот меѓусебен дуел во сингл конкуренцијата.
Во полуфиналето, Ѓорческа ќе се соочи со нов предизвик, а доколку ја продолжи победничката низа, ќе има можност да се бори за титулата во Марибор.
Виолета Јанчева за Спортска Мрежа
