Најдобриот стрелец во Првата македонска фудбалска лига од есенската полусезона, Ѓорѓе Ивковиќ, по заминување од Брера Струмица се пресели во Казахстан, каде ќе настапува за тимот на Актобе.
28-годишниот интернационалец од Србија во дресот на Брера Струмица постигна девет гола. Низ својата кариера Србинот настапуваше за Раднички Срем, албански Лачи, Акхајик од Казахстан, играше и за словенечки Анкаран, како и за екипите од родната Србија, ИМТ Белград, Златибор, Железничар Панчево, Телеоптик, Спартак, Колубара, Слобода Ужице, Бежанија, Једунство и Турбина.
Ивковиќ заминува во позната средина, бидејќи тој еднаш настапуваше во шампионатот на Казахстан.
