Екипата на Големо Коњари која е есенски шампион во Трета лига – Југ договори три пријателски натпревари преку кои ќе ја проверува формата за пролетниот дел каде Големо Коњари ќе се бори за шампионската титула и со тоа да го обезбеди баражот за можен влез во Втората лига.
Првиот меч се игра на 9. февруари против екипата на Бучин во Коњари, вториот меч е договорен за 16. февруари против есенскиот шампион во Трета лига – Југозапад, екипата на Преспа од Ресен, кој ќе се игра во Коњари.
Третиот пријателски меч кој ќе го одигра Големо Коњари е договорен за 23. февруари, а ќе го одигра против Влазерими во Кичево.
Како што информираше Спортска Мрежа екипата на Големо Коњари досега се засили со Беким Алили, Филип Кукески, Андреј Димитријески и Ениз Фазлиоски, а од клубот си замина само Ерџан Ибрахими.
Како што дознава Спортска Мрежа, Големо Коњари ќе промовира уште неколку нови играчи.
