Охрид вечерва ја одигра „генералката“ пред стартот на пролетниот дел од Суперлигата против Вардар во „Билјанини Извори“, кој заврши со триумф за поранешниот шампион со 29:33.
Бразилецот Де Соуза Мораис Каио Винициус за Спортска Мрежа по мечот изјави дека натпреварот бил физички интензивен, вели дека Вардар е добар тим, а како што раскажува за Спортска Мрежа, ги искористил шансите што ги имал на мечот.
„Натпреварот беше физички интензивен, се подготвуваме за враќање во Суперлигата. Не започнавме баш добро, но како одминуваше времето, ние влеговме во ритам и бевме подобри отколку во првото полувреме. Вардар е добар тим, со многу технички квалитет. Мислам дека јас успеав да се снајдам добро и да ги искористам шансите што ги имав, така што во натпреварот влегов со 100% – со пет шанси и пет постигнати голови”, изјави Винициус за Спортска Мрежа.
Охрид пролетниот дел од сезоната го отвара против дебитантот Бисинов во Велес како голем фаворит.
