Прволигашот Атлетико од Битола за пролетната полусезона во Првата женска фудбалска лига се засили со искусната Анита Гоцевска.
Гоцевска е искусна фудбалерка со богата кариера, која има искуство и како репрезентативец настапувајќи во репрезентациите на Македониај до 17 и до 19 години. Таа е дефанзивен играч во средината на теренот, а може да покрие повеќе позиции во добраната и со своето искуство ќе биде големо освежување и засилување за тимот на Никола Гелевски.
„Ние ќе се потрудиме да обезбедиме најдобри услови за тренинг и развој, со цел да ја поттикнеме желбата за фудбал кај нашите девојки и да им помогнеме во напредокот на нивните кариери. Анита е и поранешен шампион, што дополнително додава искуство во нашиот актуелен шампионски состав.“, рече Гелевски.
25-годишната Гоцевска кариерат ја започна во Тиверија Брера каде настапуваше во период од 2014 до 2017 година, кога премина во редовите на Топ Гол од Битола, градскиот ривал на Атлетико, новиот клуб на Гоцевска, каде настапуваше од 2017 до септември 2024 година.
