Третолигашот Карбинци на 12. февруари ќе означи старт на зимските подготовки за пролетниот дел од Трета лига – Исток. Од клубот си заминаа Ненад Нешовски и Антонио Стојчов, а Карбинци им се заблагодари за досегашната соработка.
Карбинци за пролетниот дел од сезоната се засилува со пет играчи, а не е исклучена можноста за уште две засилувања, а како што информираат од клубот промоцијата на новите играчи ќе следува во текот на следната недела.
Пролетната полусезона во Трета лига – Исток ќе започне на 9. март, а екипата на Карбинци пролетниот дел го отвара во Пирава против екипата на Ударник.
Во есенскиот дел Карбинци има учинок од три победи, две ремија и четири порази за вкупно 11 бодови и презимување на седмото место на табелата.
