Третолигашот Пчиња за пролетниот дел од сезоната во Трета лига – Север промовираше ново засилување.
Се работи за Дамјан Илиевски, кој доаѓа од редовите на Куманово, ланскиот шампион во Трета лига – Север, кој не го помина баражот за влез во Втора лига, откако загуби од второлигашот Победа. Илиевски има 17 години, а потекнува од Куманово Еуроспорт.
Претходно, како што информираше Спортска Мрежа, Пчиња се засили со искусниот Марио Благојевски, Немања Нешевски и Давид Блажевски.
Пчиња презимува на 11. место на табелата со 12 бодови, има скор од четири победи и девет порази, а пролетниот дел го отвара Њу Старс, во дерби од дното на табелата на двете екипи кои имаат за цел опстанок во Трета лига – Север.
