Второлигашите Кожуф и Детонит Плачковица денес започнаа со одигрување на пријателски натпревари преку кои ќе се темпира формата за пролетниот дел.
Двете екипи меѓусебно се соочија на Градскиот стадион во Гевгелија, каде ремизираа играјќи без голови (0:0). Резултатот секако оди во втор план, бидејќи секако и двете екипи во пролетниот дел ќе влезат со изменет лик, па тренерите преку овие пријателски натпревари шанси ќе им даваат на сите играчи со цел воигрување на екипите.
Кожуф има и нов тренер, Славчо Георгиевски – Тупан, кој преку овој натпревар започнува да го води тимот од Гевгелија, кој ќе има изменет лик во однос на есенскиот дел, дел од играчите заминуваа во нови средини, а со таков предизвик ќе биде и Горан Здравков, бидејќи и Детонит Плачковица е во доста изменет лик од есенскиот дел.
Пролетната полусезона ќе започне на 15. февруари со натпреварите од 16 коло. Кожуф започнува со гостување кај Каменица Саса, а пак Детонит Плачковица со гостување кај Новаци.
