Третолигашот Шкендија Арачиново денес ги започна зимските подготовки со една цел – влез во Втората фудбалска лига. Шефот на стручниот штаб Еркан Мурсели го имаше првиот собир со фудбалерите во новата година и со првиот тренинг беше означен стартот на подготовките.
Тимот ќе одигра неколку пријателски натпревари преку кои ќе се темпира формата со цел најпрво во пролетниот дел да се потврди првото место, а со тоа да се обезбеди баражот за влез во второлигашкото друштво.
Шкендија Арачиново во есенскиот дел нема пораз и има осум бодови повеќе од второпласираниот тим на Фортуна во Трета лига – Север, па повеќе од јасно е дека со ваков тим Шкеднија Арачиново ќе се прошета во Трета лига – Север, па затоа фокусот веќе е ставен на баражот.
Тимот минатата сезона заврши на второто место зад шампионот Куманово, кој не го помина баражот откако загуби од Победа во Ѓорче, со што прилепчани се спасија од испаѓање од Втората лига.
Како што веќе информираше Спортска Мрежа екипата на Шкендија Арачиново досега се засили со Иса Абдулахи, Ертан Демири, Мргин Дани, Бесир Бафтијар и Фиктер Љиварека, а струшниот штаб беше засилен со Шабан Сулимани, кој носи искуство од прволигашот Гостивар.
