Прва лигаФудбал

Судиска анализа на ФФМ: Кардинална грешка на ВАР судиите, Вардар директно оштетен

Сподели
Сподели

Судискиот одбор на Фудбалската федерација на Македонија изврши стручна и детална анализа на клучната судиска одлука на натпреварот од 14. коло во Првата македонска фудбалска лига (ПМФЛ) помеѓу екипите на ФК Вардар и ГФК Тиквеш, на кој судискиот тим го сочинуваа главниот судија Фатмир Бафто, ВАР судијата Влатко Илиоски и АВАР судијата Борис Трајков.

37. минута:

При нафрлување на топката од левата страна во казнениот простор на гостинската екипа, одбранбениот играч со број 6 на гостите го блокира центаршутот удирајќи ја топката со десната рака, која е подигната во неприродна положба и одвоена од телото, со што очигледно го зголемува волуменот на своето тело. Согласно Правило 12 од Правилата на фудбалската игра (Играње со рака), ваквиот контакт претставува казнив прекршок. Главниот судија Фатмир Бафто, согласно неговата поставеност, тој не е во можност да направи точна проценка, дозволи играта да продолжи и не досуди очигледен казнен удар за домашната екипа.

Дополнително, Судискиот одбор констатира сериозен пропуст и непочитување на ВАР протоколот од страна на судиите во ВАР собата — ВАР судијата Влатко Илиоски и АВАР судијата Борис Трајков. При проверката на спорниот момент во ВАР собата не биле прегледани сите достапни агли на камерите (вклучително и аголот зад голот каде јасно се гледа контактот со подигнатата рака) и ситуацијата не била анализирана со враќање на снимката на брзина од 50%, 25% и кадар по кадар (frame-by-frame). Поради ваквиот пропуст изостанала задолжителната интервенција и повик до главниот судија за преглед на снимката на терен (On-Field Review), со што би се коригирала првичната одлука и би бил досуден казнен удар за домашната екипа.

Со овој пропуст и кардинална грешка на ВАР судиите при резултат 0-1 за гостинската екипа, екипата на ФК Вардар е директно оштетена.

Судискиот одбор на Фудбалската федерација на Македонија изврши стручна и детална анализа на клучната судиска одлука на натпреварот од 14. коло во Првата македонска фудбалска лига (ПМФЛ) помеѓу екипите на ФК Брегалница и ФК Струга.

85. минута:

При одбид да ја исфрли топката од казнениот простор, играчот со број 15 на гостите ја расчистува топката со својата лева нога, при што таа директно се одбива во неговата десна рака. Согласно Правило 12 од Правилата на фудбалската игра (IFAB/FIFA) за играње со рака, ако играчот ја шутне топката со сопствената нога, и таа директно се одбие во неговата рака, не се досудува игра со рака (нема прекршок). Правилна одлука на главниот судија Доне Ристевски да дозволи играта да продолжи и да не досуди казнен удар (нема елементи за казнен удар), како и правилна проверка и потврда на одлуката од страна на ВАР собата (Александар Грујоски и Фуркан Идризи) согласно ВАР протоколот.

Судискиот одбор оценува дека судискиот тим на теренот предводен од главниот судија Доне Ристевски, како и судиите во ВАР собата Александар Грујоски и Фуркан Идризи, донесоа правилна и издржана одлука, целосно во согласност со Правилата на фудбалската игра и ВАР протоколот. На овој натпревар други предизвикувачки ситуации немаше.

Видеоата од анализата можете да ги погледнете овде.

Сподели
Напишано од
Александар Ванев -

Основач, главен и одговорен уредник на спортскиот веб портал Спортска Мрежа, специјализиран за македонски спорт. Александар Ванев со спортско новинарство започнува на 1. август 2010 година, неговиот најголем проект е Спортска Мрежа, тој е спортски коментатор и во неговата кариера има коментирано натпревари од Втората и Третата фудбалска лига на Македонија, од Првата футсал лига на Македонија, Куп на Македонија, Прва и Втора женска фудбалска лига, како и натпревари од македонскиот ракомет. Ванев е член на Здружението на новинари на Македонија (ЗНМ). Ванев е спортски новинар посветен на македонскиот спорт, првиот и единствен кој темелно ја работи Третата и Четвртата (општинската лига) во Македонија.

Не пропуштајте

ФудбалФутсал

Црна Река со убедлива победа над Шутка 1, четири гола за Стојан Петковски

Поранешниот прволигаш Црна Река забележа убедлива победа во рамките на 6. коло на Втората футсал лига, совладувајќи го дебитантот Шутка 1 со убедливи...

Прва лигаФудбал

Судиска анализа на ФФМ: Кардинална грешка на ВАР судиите, Вардар директно оштетен

Судискиот одбор на Фудбалската федерација на Македонија изврши стручна и детална анализа на клучната судиска одлука на натпреварот од 14. коло во Првата...

Поврзани написи
ФудбалФутсал

Црна Река со убедлива победа над Шутка 1, четири гола за Стојан Петковски

Поранешниот прволигаш Црна Река забележа убедлива победа во рамките на 6. коло...

Трета лигаФудбал

Илинден со максимални 33 бода есенски шампион, БВК Коњаре и Аеродром во тесна трка зад лидерот

Илинден ја заврши есенската полусезона во Третата лига – Регион 1 со...

Прва женска фудбалска лигаФудбал

Ас Јунајтед го доби Пелистер во Битола и се израмни на табелата

Фудбалерките на Ас Јунајтед од Струга со победа ја затвори есенската полусезона,...

✕
error: Содржина е заштитена! Се забранува копирање на истата!