Трета лигаФудбал

Влазерими го чува врвот совладувајќи ја убедливо Преспа, Кравари со седумка, осум гола во Демир Хисар

Сподели
Сподели



Влазерими со победа од 3:0 над Преспа ја задржа предноста од пет бода на врвот во Третата лига – Регион 5. Кравари го совлада Крошу Спорт со 7:1, Света Троица славеше кај Чардак Велгошти, а Демир Хисар и Караорман одиграа 4:4. На шесте натпревари од 11. коло беа постигнати 28 гола.

Влазерими – Преспа 3:0

Нарт Усеини го отвори резултатот во 26. минута, а Албулен Имери во 30. зголеми на 2:0. Усеини со својот втор погодок во 50. минута ја потврди победата на кичевскиот тим, кој остана единствената непоразена екипа во лигата.

Крошу Спорт – Кравари 1:7

Хакан Алимовски во 20., Иве Трифуновски во 30. и повторно Алимовски во 37. минута им донесоа убедливо водство на гостите. Љупчо Тарашовски во 43. минута намали на 1:3.

Во второто полувреме Кравари постигна уште четири гола. Мартин Сељанковски погоди во 51., Божидар Гогачевски во 53., Ерен Амит во 80., а Стефан Каревски во 88. минута го постави конечниот резултат.

Чардак Велгошти – Света Троица 1:2

Никола Угриноски ја доведе Света Троица во водство уште во 3. минута, а Боге Бимбилоски во 36. зголеми на 0:2. Климент Гиновски во 52. минута намали, но Чардак не успеа да стигне до израмнување. Света Троица ја забележа третата последователна победа.

Демир Хисар – Караорман 4:4

Ненад Балоски со голови во 6. и 7. минута му донесе брза предност на Караорман. Христијан Китановски намали во 17., а Ивица Ќелешоски во 26. минута погоди за 1:3 на полувремето.



Димитар Дамчевски во 51. и Оливер Јанкуловски од пенал во 58. минута го вратија Демир Хисар на 3:3. Давид Карамачоски во 70. повторно ги доведе стружани во водство, но Александар Ангелевски во 74. минута ги постави конечните 4:4.

Могила 2023 – Напредок Ношпал 1:0

Мики Талевски реализираше пенал во 45. минута и го постигна единствениот гол на натпреварот. Могила со втората последователна победа стигна до 17 бода и го задржа петтото место.

Напредок Кичево – Влазними 5:0

Кичевчани ја обезбедија победата со пет гола во првото полувреме. Осман Исмаили погоди во 8. и 45. минута, Вецко Вренцоски во 15. и 40., а Никола Настески во 43. минута. Во вториот дел резултатот остана непроменет.

Влазерими води со 26 бода од десет натпревари, со осум победи и две ремија. Предноста пред Кравари останува пет бода, а до крајот на редовната есенска програма лидерот го очекуваат градскиот дуел со Напредок и домашниот натпревар со Влазними.



Кравари со 21 бод го чува второто место и со 40 постигнати гола го има најефикасниот напад. Света Троица е веднаш зад него со 20 бода, додека Караорман со ремито во Демир Хисар падна на четвртата позиција со 19. Трите екипи се во само два бода, па борбата за местата зад лидерот останува отворена.

Могила и Напредок Кичево имаат по 17 бода, но Могила одигра натпревар помалку. Крошу Спорт остана седми со 14, еден повеќе од слободниот Баир Спорт. По убедливиот пораз, Крошу има негативна гол-разлика од 13:20.



Во долниот дел Преспа има 10, а Влазними девет бода. Демир Хисар со освоениот бод го стигна Напредок Ношпал на седум, додека Чардак Велгошти остана последен со шест. Сепак, Ношпал и Чардак имаат по еден одигран натпревар помалку од Демир Хисар, а нивниот одложен меѓусебен дуел е закажан за 13 декември.

Табела по 11. коло

Поз. Екипа Мечеви Голови Бодови
1 Влазерими 10 31:12 26
2 Кравари 10 40:17 21
3 Света Троица 2021 10 27:12 20
4 Караорман 10 25:20 19
5 Могила 2023 10 19:14 17
6 Напредок Кичево 11 21:17 17
7 Крошу Спорт 10 13:20 14
8 Баир Спорт 10 21:27 13
9 Преспа 11 17:23 10
10 Влазними 10 15:35 9
11 Демир Хисар 10 22:31 7
12 Напредок Ношпал 9 12:21 7
13 Чардак Велгошти 9 12:26 6



Сподели
Напишано од
Александар Ванев -

Основач, главен и одговорен уредник на спортскиот веб портал Спортска Мрежа, специјализиран за македонски спорт. Александар Ванев со спортско новинарство започнува на 1. август 2010 година, неговиот најголем проект е Спортска Мрежа, тој е спортски коментатор и во неговата кариера има коментирано натпревари од Втората и Третата фудбалска лига на Македонија, од Првата футсал лига на Македонија, Куп на Македонија, Прва и Втора женска фудбалска лига, како и натпревари од македонскиот ракомет. Ванев е член на Здружението на новинари на Македонија (ЗНМ). Ванев е спортски новинар посветен на македонскиот спорт, првиот и единствен кој темелно ја работи Третата и Четвртата (општинската лига) во Македонија.

Не пропуштајте

Прва женска фудбалска лигаФудбал

Ас Јунајтед го доби Пелистер во Битола и се израмни на табелата

Фудбалерките на Ас Јунајтед од Струга со победа ја затвори есенската полусезона, откако денес триумфираа над Пелистер во Битола со резултат од 1:2....

Трета лигаФудбал

Влазерими го чува врвот совладувајќи ја убедливо Преспа, Кравари со седумка, осум гола во Демир Хисар

Влазерими со победа од 3:0 над Преспа ја задржа предноста од пет бода на врвот во Третата лига – Регион 5. Кравари го...

Поврзани написи
Прва женска фудбалска лигаФудбал

Ас Јунајтед го доби Пелистер во Битола и се израмни на табелата

Фудбалерките на Ас Јунајтед од Струга со победа ја затвори есенската полусезона,...

✕
error: Содржина е заштитена! Се забранува копирање на истата!