Ракомет

Охрид го скрши отпорот на Драгунас и се доближи до следната рунда!

Сподели
Сподели

Едно од најдобрите изданија на ГРК Охрид во завршните минути му донесе убедлива победа над Драгунас Клаипеда од 30-19 во првиот натпревар од третото коло на ЕХФ Европскиот Куп. Актуелниот освојувач на трофејот не само што ја оправда фаворитската улога, туку со моќен финиш стигна до предност од 11 гола, со која значително си ја олесни задачата пред утрешниот реванш.

Иако Драгунас прв ја презеде иницијативата и поведе со 4-2 во десеттата минута, охриѓани брзо најдоа одговор. Со серија од четири погодоци го презедоа водството, а потоа воспоставија контрола врз случувањата на теренот. Литванскиот состав имаше сериозни проблеми да го пронајде патот до мрежата, што домашниот тим го искористи за постепено да ја зголемува разликата. На одморот Охрид веќе имаше убедливи 13-7.

Продолжението донесе краток налет на Драгунас. По голот за 14-7, гостите одговорија со четири врзани погодоци и се доближија на 14-11. Сепак, охридскиот тим не дозволи противникот да ја искомплицира средбата и веднаш ја врати контролата, повторно градејќи ја својата предност.

Највозбудливиот дел следуваше во последните десет минути. Драгунас се обиде да фати резултатски приклучок и во 52. минута намали на 21-17, но потоа целосно запре. Охрид ја искористи секоја можност, ја засили офанзивата и со неверојатна серија од седум последователни гола стигна до недостижни 28-17. Во последните минути предноста дополнително порасна за конечни 30-19.

Доминик Мате и Никола Зечевиќ го предводеа стрелечкиот учинок на Охрид со по седум погодоци, додека Паулиус Чесна беше најпрецизен кај литванскиот претставник со пет гола.

Со двоцифрена предност во своја полза, „гладијаторите“ имаат одлична позиција пред вториот дуел, кој е закажан за утре во 18:00 часот, повторно во „Билјанини Извори“. Пред домашната публика, македонскиот претставник ќе има можност да ја потврди убедливата победа и да го продолжи патот кон одбраната на европската титула.

Сподели
Напишано од
Сања Секулоска -

Сања Секулоска е спортска новинарка во Спортска Мрежа. Секулоска по професија е магистер на економски науки, која започнува од хоби кон новинарството конкретно во ракометот. Секулоска го следи и европскиот ракомет.

Не пропуштајте

Ракомет

ФОТО: Богданци експлодира од радост! Младост ја запиша првата сезонска победа, „Млаз“ грмеше по триумфот над Струга!

Конечно радост во Богданци! Ракометарите на Младост 1977 ја забележаа првата сезонска победа во македонската ракометна Суперлига, откако во натпревар од 11. коло...

Ракомет

Охрид го скрши отпорот на Драгунас и се доближи до следната рунда!

Едно од најдобрите изданија на ГРК Охрид во завршните минути му донесе убедлива победа над Драгунас Клаипеда од 30-19 во првиот натпревар од...

Поврзани написи
Ракомет

ФОТО: Богданци експлодира од радост! Младост ја запиша првата сезонска победа, „Млаз“ грмеше по триумфот над Струга!

Конечно радост во Богданци! Ракометарите на Младост 1977 ја забележаа првата сезонска...

Ракомет

Алкалоид сака европско продолжение по големиот триумф над Пелистер!

Ракометарите на Алкалоид со позитивна атмосфера и дополнителна самодоверба го очекуваат следниот...

Ракомет

Блажески за Спортска Мрежа: Фаворити сме, но мораме да дадеме 100% на двата натпревари!

ГРК Охрид го очекува нов европски предизвик во третото коло од ЕХФ...

Ракомет

Вардар го скрши отпорот на Мулти Есенс – Фадуил со 11 гола го предводеше шампионот до нова победа

Ракометарите на Вардар 1961 ја оправдаа фаворитската улога на гостувањето кај Мулти...

✕
error: Содржина е заштитена! Се забранува копирање на истата!