Екипата на Маџари Солидарност стигна до највисоката победа во РФС 1 Четврта лига група А откако со убедливи 1:5 го доби Кадино. Игор Пандовски постигна дури три гола во мрежата на поранешниот второлигаш, а гол постигна и Филип Стојчевски, кој во 7. минута го отвори резултатот.
За домашниот тим единствен стрелец беше Далибор Николовски во 53. минута, а пак Јован Стојановски си постигна автогол.
Петровец преку головите на Коле Стојановски и Ферди Исмаиловски во првиот дел, како и голот на Малик Дечковиќ славеше со 0:3 над Зелениково.
Гоце Делчев на домашен терен беше подобар од Победа со резултат од 2:1, кој понуди повеќе од неизвесна трка за трите бодови. Домаќинот прв дојде до предност преку Марко Мицевски во 6. минута, а само шест минути подоцна Седат Сали израмни на 1:1.
Дилемите за трите бодови ги реши Иван Петревски во 75. минута за конечни 2:1.
Долно Коњари забележа домашен пораз од тимот на Бујковски, кој со 1:3 беше подобар. Сите три гола гостинот ги постигна во првиот дел, а стрелци на истите беа Јованче Видински за отварање на резултатот во 6. минута, како и Кристијан Јовановски како и Влатко Трпковски.
За домашниот тим единствен стрелец беше Ведат Арслан кој погоди во 51. минута од средбата.
Ускуп со голот на Алтај Червани во 30. минута го совлада Бунарџик со минимални 0:1.
По седум кола на врвот е Бујковци со 19 бодови, со ефект од шест победи и едно реми, Гоце Делчев е втор со 18 бодови, а пак Петровец е трет со 17 бодови. Бод помалку има Маџари Солидарност кој се наоѓа на четвртото место, а пак на петтата позиција е Победа со 12 бодови.
