Петтата рунда на Општинската фудбалска лига во Неготино донесе две домашни и една гостинска победа со голем број на погодоци.
Лозар на домашен терен со 3:1 го доби Полет од Тремник, дуел во кој домашниот тим имаше два гола предност преку погодоците на Филип Лазаревски и Оливер Павлов. Во вториот дел Орданчо Дончев во 56. минута погоди за 3:0, а две минути подоцна Махмуд Шерифов постигна гол и го ублажи поразот на конечните 3:1.
Вардар Бистренци ги освои трите бодови во дуелот со Напредок од Војшанци откако славеше со 1:2. За гостинскиот тим погодија Никола Камчев и Трајче Ѓоргиев, а за домашниот тим Петар Трајков.
Голем триумф имаше Јанг Боис кој со 6:2 го доби убедливо Младост од Корешница. За домашниот тим двојни стрелци беа Орданче Ташев и Игно Ристов, а по еден гол постигнаа Никола Ивановски и Ерѓун Синанов, а за гостинскиот тим Александар Димитриевиќ беше двоен стрелец.
На врвот од табелата е Лозар со 11 бодови од три победи и две ремија, единствениот поразен тим, втор е Вардар Бистренци со 10 бодови, а пак Младост е трет со седум бодови.
