Викендов од 27. до 29. декември 2024 година, се одржа меѓународниот натпревар „Кикинда Куп 2024“ во Србија со воздушно оружје каде што благодарение на Министерството за спорт учествуваа и стрелци од нашата стрелачка репрезентација.
И на двата натпревари најуспешен беше Мартин Ангелески кој во првиот ден погоди 627, 2 кругови и постигна личен и државен рекорд, но и вториот ден тој постигна исто така личен и државен рекорд со погодени извонредни 628,2 кругови.
Со овој извонреден резултат Ангелески покажува дека е во одлична форма и дека со сигурност покажува дека е подготвен за новиот олимписки квалификациски циклус за учество на Олимписките игри во Лос Анџелес 2028 година.
Покрај Ангелески во истата дисциплина сребрен медал освои Драгослав Кудрановиќ со резултат од 612 кругови, додека третото место му припадна на младиот Никола Блажевски со резултат од 603 кругови.
Покрај мажите во воздушна пушка медал освои и младата јуниорка Марија Шиндева во дисциплина жени пиштол со резултат од 531 круг и Ирина Јовановска во воздушна пушка со резултат од 600 кругови. Со ова младите стрелачи докажуваат дека македонското стрелаштво има иднина.
Виолета Јанчева за Спортска Мрежа
