Охрид останува на врвот во Втората македонска фудбалска лига, откако со минимални 1:0 го совлада Работнички во дербито на 9. коло.
Давид Матески е херојот на “рибарите” со што Охрид и по девет кола е на првото место со 22 бода, еден повеќе од Пелистер кој е втор, а пак Работнички е трет со 18 бодови, а Брера Струмица е четврта со 15 бодови, но ланските прволигаши имаат меч помалку, нивниот меѓусебен дуел од 5. коло.
Победничката фотографија од соблекувалната на Охрид ја потврдува одличната и позитивна атмосфера и хемијата во тимот од градот покрај езерото.
До крајот на есенската полусезона Охрид ќе игра со Шкупи во гости, дома со Камјани, а веднаш потоа на домашен терен и дерби со Беласица и ќе го заврши есенскиот дел со гостување во Кочани кај Осогово.
