Седма тренерска промена во Втората македонска фудбалска лига, второлигашот Детонит Плачковица и досегашниот стратег Горан Здравков спогодбено се разделија, со што тимот од Радовиш ќе добие нов тренер.
Според информациите на Спортска Мрежа, Детонит Плачковица ќе го води досегашниот помошник на Здравков, Драги Коцев, кој во изминатите пет сезони беше дел од стручните штабови на Детонит Плачковица, останува да потврди клубот дали како привремено или трајно решение.
Според наши ексклузивни информации, Коцев веќе два дена го подготвува тимот на Детонит Плачковица за саботното соочување против Еуромилк ГЛ во Радовиш, во меч од 9. коло на ВМФЛ.
Претходно, тренерски промени имаше во Осогово, Еуромилк ГЛ, Детонит Плачковица, Новаци, Кожуф, Камјани и Беласица.
