Наум Костов од МРК Куманово е водечкиот стрелец во македонската ракометна Супер лига во пресрет на натпреварите од седмото коло. Охриѓанецот во Куманово, досега постигна 60 гола и има значителна предност пред конкуренцијата, додека на второто место се наоѓа Матео Фадхуиле од Вардар 1961 со 46 погодоци.
На третата позиција е Даниел Андоновски од Младост со 41 гол, а зад него следува Никола Јукиќ од Струга со 37. Владимир Бојаниќ од Младост и Филип Кузмановски од Еурофарм Пелистер имаат по 36 погодоци и ја делат петтата позиција.
Во продолжение, листата ја комплетираат ракометари од повеќе клубови во лигата. Мохамед Азиз Бен Махфоудх од Тиквеш 2014 и Омар Мамдоух Солиман Радван од МРК Куманово имаат по 35 гола, додека Кристијан Симоновски од Еурофарм Пелистер 2 и Петар Атанасијевиќ од Еурофарм Пелистер се на 34 погодоци.
Меѓу најдобрите стрелци е и Доминик Мате од Охрид, кој досега постигна 34 гола, исто колку и Атанасијевиќ. Дарко Ѓукиќ, исто така од Охрид, е на 18. место со 26 погодоци. Од Алкалоид, пак, во топ 20 се наоѓа Дамјан Митев со 25 гола.
Топ 20 стрелци во Супер лигата пред седмото коло:
- Наум Костов (МРК Куманово) – 60 гола
- Матео Фадхуиле (Вардар 1961) – 46
- Даниел Андоновски (Младост) – 41
- Никола Јукиќ (Струга) – 37
- Владимир Бојаниќ (Младост) – 36
- Филип Кузмановски (Еурофарм Пелистер) – 36
- Мохамед Азиз Бен Махфоудх (Тиквеш 2014) – 35
- Омар Мамдоух Солиман Радван (МРК Куманово) – 35
- Кристијан Симоновски (Еурофарм Пелистер 2) – 34
- Петар Атанасијевиќ (Еурофарм Пелистер) – 34
- Доминик Мате (Охрид) – 34
- Димитар Димитриоски (Прилеп) – 32
- Давид Димевски (Еурофарм Пелистер 2) – 31
- Тоше Ончев (Тиквеш 2014) – 30
- Давид Трајковски (Мулти Есенс) – 29
- Петар Марковски (Прилеп) – 28
- Андреј Стојановски (Прилеп) – 27
- Дарко Ѓукиќ (Охрид) – 26
- Димитар Ѓеоргиевски (Бутел) – 25
- Дамјан Митев (Алкалоид) – 25
Костов засега е убедлив лидер според вкупниот број погодоци, а претстојните натпревари ќе донесат нови промени во трката за најдобар стрелец на македонската Супер лига.
