Беласица и Мартин Алаѓозовски спогодбено се разделија, младиот стратег кариерата ја продолжува во Кувајт, токму тоа е и причината за разделбата меѓу двете страни.
Струмичкиот клуб му се заблагодари на Алаѓозовски за неговиот ангажман, посветеност и труд во клубот.
„Беласица и Мартин Алаѓозовски спогодбено се разделија. За разделбата беше виновен трансферот во Кувајт. Голема благодарност до Алаѓозовски! ФК Беласица АД сака искрено да му се заблагодари на Мартин Алаѓозовски за неговиот ангажман, посветеност и труд во нашиот клуб. Му посакуваме многу среќа, здравје и успеси во понатамошната интернационална кариера“, велат од ФК Беласица.
Ексклузивно Спортска Мрежа дознава дека добро познато тренерско лице ќе биде повратник на клупата на Беласица, во текот на следните два дена ќе се обелодени името на новиот стратег кој ќе ја предводи струмичката фудбалска гордост.
