Италијански арбитри ќе ја делат правдата на натпреварот меѓу Словенија и Македонија во второто коло од Лигата на нации. УЕФА ги одреди официјалните лица за дуелот кој ќе се одигра на стадионот „Стожице“ во Љубљана.
Главната судиска улога му припадна на Андреа Коломбо, а покрај него во судиската екипа ќе бидат Џовани Бачини и Валерио Колароси, кои ќе ги извршуваат задачите на асистенти.
Матео Маркети е назначен за четврти судија, додека натпреварот во ВАР собата ќе бидат Мајкл Фабри и Федерико Ла Пена.
Дуелот Словенија – Македонија од Групата 1 во Лигата Б е закажан за вторник, со почеток од 20:45 часот.
