Прв повик во А репрезентацијата доби и Анес Мелиќи, фудбалерот на Шкендија. За младиот играч, повикот меѓу најдобрите е голема чест, но воедно и одговорност. Мелиќи на првиот собир пристигнува со желба да ја искористи укажаната шанса и да се наметне во сениорскиот национален тим.
„За мене е привилегија да бидам дел од овој тим. Имаме четири многу тешки натпревари, но мислам дека прво треба да мислиме на Швајцарија. Сите знаеме каков противник е Швајцарија. Дај Боже, со Господ напред, да оствариме позитивен резултат. Нормално дека очекувам настап и секоја минута што ќе ми ја даде селекторот ќе дадам максимум“, вели Мелиќи.
Првата можност македонските фудбалери да ги потврдат своите амбиции ќе ја имаат на 26 септември, кога во Скопје ја пречекуваат селекцијата на Швајцарија.
