Со натпреварот меѓу Победа од Тромеѓа и Јуниор ќе биде отворено второто коло на Трета лига регион 2. Натпревар каде и двете екипи ќе бараат прва победа, откако Победа ремизираше на стартот на сезоната, а пак Јуниор претрпе тежок пораз од Куманово губејќи со 0:3.
Утрешната програма нуди четири мечеви. Пчиња на домашен терен ќе игра против Академија Осогово. Домаќинот со победа ја отвори сезоната, а пак новајлијата од Крива Паланка со пораз, па ќе бара први сезонски бодови.
Влазними од Оризари ќе има тешка задача против Беса од Слупчане, Куманово како фаворит ќе го пречека тимот на Липково, додека пак новајлијата Козјак од Старо Нагоричане ќе бара прв први бодови против Речица, која на стартот од сезоната ремизираше.
