Денес ќе биде отворено шестото коло во Првата женска фудбалска лига со натпреварот во Пржино. Познати се и судиите кои ќе ја делат правдата на сите пет натпревари.
Шампионот Скопје на домашен терен ќе игра дерби против Истатов на Пржино. Мечот стартува во 16:30 часот, а главен судија ќе биде Бењамин Ќерими, негови помошници ќе бидат Тамара Цветановиќ и Филип Ицковски. Контролор на натпреварот ќе биде Петре Илиоски.
Во сабота ќе бидат одиграни три натпревари. Првиот е во 11 часот во Струмица, каде Тиверија Брера ќе се соочи со Речица. Блаже Петковски ќе биде главен судија, а негови помошници ќе бидат Иван Танев и Стефан Митров. За контролор е одреден Ѓорги Карајанов.
Останатите две средби од саботната програма се игра од 16:30 часот. Кочани на домашен терен ќе игра против Пелистер. Нинослав Нанков ќе биде главен судија, а ќе му асистираат Петар Арсовски и Радмила Неркова, а пак контролор ќе биде Билјана Миланова.
Дерби ќе се игра во Македонска Каменица меѓу Каменица Саса и Ас Јунајтед, а за правдата ќе се погрижи судиската тројка предводена од главниот судија Кристијан Гарески и асистентите Дарко Видиниќ и Александар Николоски. Контролор ќе биде Сашо Иванов.
Колото се комплетира во недела со дербито меѓу лидерот Љуботен и Вардар кој е на дното без бодови. Фатмир Бафто ќе ја дели правдата на овој натпревар, а негови помошници ќе бидат Климент Ристоски и Марио Мојсоски.
За контролор на мечот кој стартува во 16:30 часот ќе биде Џенан Хајдари.
