Со девет одиграни кола се комплетираше есенската полусезона во Првата футсал лига на Македонија, а актуелниот шампион Форца е есенски шампион и игра одлично на патот кон одбрана на титулата.
Форца има девет од девет со најдобар напад кој реализирал 68 погодоци и има максимални 27 бодови на своето конто. Форца има шест бодови бодовна залиха што е осетна залиха, а во пролетниот дел ќе треба да се потврди одбраната на титулата.
Екипата на Шкупи со учинок од седум победи и два порази е на второто место и 21 бод на своето конто. Овој тим ја има најдобраната одбрана која примила 16 бодови.
На третото место е тимот на Проект кој е повратник во елитата со шест победи, едно реми и два порази или 19 бодови. На 4. место е Осогово од Крива Паланка со 16 бодови, па следува Клими како петтопласирана со 11 бодови.
Екипата на Железарец со девет бодови ќе презими на шесттото место, Кеги Моби се проби до седмото место со осум бодови, осми е Јувентус Серава со седум бодови, Црна Река е претпоследна со пет бодови, а пак Бутел е на дното со три бодови и единствен тим кој не успеал да се израдува на триумф во есенскиот дел.
- ЦЕЛА ТАБЕЛА ОД ПРВАТА ФУТСАЛ ЛИГА:
| Поз. | Клуб | ОН | Поб | Н | Пор | ПОС | ПРИ | ГР | БОД |
|---|---|---|---|---|---|---|---|---|---|
| 1 | КМФ ФОРЦА 2015 | 9 | 9 | 0 | 0 | 68 | 25 | +43 | 27 |
| 2 | КМФ ШКУПИ 1927 ДОО | 9 | 7 | 0 | 2 | 43 | 16 | +27 | 21 |
| 3 | КМФ ПРОЕКТ | 9 | 6 | 1 | 2 | 35 | 17 | +18 | 19 |
| 4 | КМФ ОСОГОВО 2022 Крива Паланка | 9 | 5 | 1 | 3 | 43 | 38 | +5 | 16 |
| 5 | КМФ КЛИМИ Кавадарци | 9 | 3 | 2 | 4 | 42 | 36 | +6 | 11 |
| 6 | КМФ ЖЕЛЕЗАРЕЦ | 9 | 3 | 0 | 6 | 21 | 41 | -20 | 9 |
| 7 | КМФ КЕГИ-МОБИ Велес | 9 | 2 | 2 | 5 | 27 | 58 | -31 | 8 |
| 8 | КМФ ЈУВЕНТУС СЕРАВА(-3) | 9 | 3 | 1 | 5 | 32 | 44 | -12 | 7 |
| 9 | ФК ЦРНА РЕКА/КМФ | 9 | 1 | 2 | 6 | 29 | 46 | -17 | 5 |
| 10 | КМФ БУТЕЛ 2022 | 9 | 0 | 3 | 6 | 23 | 42 | -19 | 3 |
Пролетната полусезона ќе стартува со натпреварите од 10. коло.
