По неколку години пауза на фудбалската карта на Македонија одново ќе дејствува ФК Готен, клуб од Подареш, радовишко село, поранешна општина.
По долги години без никакви активности ФК Готен одново ќе се натпреварува, откако пријави учество за настап во Општинската фудбалска лига во Струмица, во која лига се натпреваруваа екипи од општина Радовиш, општина Струмица, општина Василево, општина Босилово и општина Ново Село.
Клубот веќе ги презема активностите околу санација на фудбалскиот терен во Подареш, се санира оградата, обраснатата трева, уредување на соблекувалните и на самата околу на теренот со цел истиот да биде во функција за тренирање и натпреварување.
Според информациите на Спортска Мрежа клубот веќе успеа да врати неколку фудбалери и се формираше конкурентен ростер со кој Готен сигурно е дека ќе конкурира за висок пласман во ОФЛ Струмица за сезона 2026/2027.
Наскоро Спортска Мрежа ќе реализира спортска емисија од Подареш од каде ќе ја доловиме целосната атмосфера и ќе ги објавиме сите информации во делот на ростерот, плановите и целите.
Пополека се буди интересот за нисколигашкиот фудбал во општина Радовиш, откако минатата сезона се реактивираше Слога од Злеово, сега се реактивира и Готен од Подареш, се враќа пополека сјајот на клубот од општина Радовиш кој повеќе од една деценија беа во целост згаснати.
