КК Работнички АД Скопје продолжува со формирањето на тимот за новата сезона, а најново засилување е македонскиот репрезентативец Кристијан Николов.
Искусниот бек во редовите на скопскиот клуб пристигнува со богато меѓународно искуство, имајќи настапувано за повеќе европски екипи, како и за македонската репрезентација.
Николов со своето искуство, борбеност и лидерски карактер се очекува да донесе дополнителен квалитет и стабилност во бековската линија на Работнички. Неговата можност да придонесува на двете страни од теренот ќе биде дополнителен плус за екипата.
Со ангажманот на Кристијан Николов, Работнички добива искусен македонски репрезентативец кој треба да има значајна улога во тимот во сезоната која следува.
