Ракометната Академија на РК Младост 1977 продолжува со уписите на нови членови, а можност да станат дел од школата имаат момчиња и девојчиња родени 2014 година и помали.
Академијата е предводена од врвни спортисти и поранешни репрезентативци, со јасна цел преку тим, дисциплина и спортски дух да се создаваат нови ракометни генерации.
Тренинзите во Богданци започнуваат на 24 август 2026 година од 17:30 часот, во спортската сала „Млаз“, а ќе се одржуваат три пати неделно – понеделник, среда и четврток.
Од 2 септември ракометната школа продолжува и во Нов Дојран, во спортската сала „Истатов“. За децата од околните села е обезбеден и организиран превоз.
За секој член следува гратис маичка, додека децата кои ќе влезат во селекцијата за мини-ракомет добиваат и бесплатна опрема.
За информации и уписи: Далибор – 078/380-049 и Никола – 078/277-860.
Станете дел од ракометната иднина и од школата која создава нови спортски генерации во југоистокот!
