Прволигашот Кочани за новата сезона во Првата женска фудбалска лига се засили со три млади фудбалерки. Се работи за Софија Велинова, Вероника Коцева и Сара Горгиева, трите доаѓаа во пакет од редовите на ЖФК Фудбал Старс од Кочани.
Велинова и Коцева се родени 2011 година, а пак Горгиева е родена 2008 година, се работи за талентирани фудбалерки, кои се дел од младинските репрезентации на Македонија.
„Софија, Вероника и Сара се членки на У-15 и У-17 репрезентацијата на Македонија, што претставува уште една потврда за нивниот талент, потенцијал и посветеност кон фудбалот“, велат од ЖФК Кочани.
Минатата сезона Кочани избори опстанок во Првата женска фудбалска лига преку бараж, кога го совлада второлигашот Билјанини Извори преку пресврт на стадионот во Ѓорче Петров, а сега тимот поучен од ланската тешка сезона работи на создавање на ростер со млади и талентирани фудбалерки надополнети со неколку поискусни.
