Ланскиот второлигаш Каменица Саса промовираше неколку нови засилување со кои значително го подига квалитетот на повисоко ниво за новата сезона во Трета лига регион 3 – целта ќе биде експресно враќање во Втората лига.
„Рударите“ од Македонска Каменица се засилија со искусниот Драган Паунов, Стојанче Тренчев, Марко Соколов, Христијан Ангелов, Христијан Крстов, Матеј Станојковски и голманот Бобан Атанасовски, дознава ексклузивно Спортска Мрежа.
Паунов доаѓа од второлигашот Осогово, тој е повратник во екипата на Каменица Саса, а низ кариерата 35-годишникот настапуваше и за Слога од Виница, Гостивар и струмичка Тиверија.
Од Осогово доаѓа од Стојанче Тренчев, 22-годишниот фудбалер од 2014 година го носи дресот на второлигашот од Кочани, а сега го направи својот прв трансфер.
22-годишниот Марко Соколов, исто така доаѓа од Осогово во Каменица Саса, тој е повратник во тимот од Македонска Каменица, а настапуваше и за младинската категории на Работнички.
На фудбалските терени се враќа и Христијан Ангелов, кој го носеше дресот на Каменица Саса во период од 2012 до 2017 година.
Меѓу „рударите“ доаѓа и Крстов од Брегалница Делчево, се работи за 23-годишен фудбалер кој претходно го носеше дресот на Карбинци и Осогово, а шест месеци градеше меѓународна кариера во Хрватска, во период од август 2024 до јануари 2025 во дресот на Вишњан.
Станојковски е млад 19-годишен фудбалер кој доаѓа од ССК Нова, а кариерата ја започна во кратовски Силекс.
Повратник во редовите на Каменица Саса е голманот Бобан Атанасовски кој доаѓа од редовите на Брегалница Делчево, се работи за искусен 31-годишен голман кој претходно го носеше дресот на „рударите“.
Според информации на Спортска Мрежа, Каменица Саса во следниот период ќе продолжи со засилувања во ростерот со уште неколку поискусни имиња, со што дефинитивно тимот од Македонска Каменица ќе има само една цел пред себе – враќање во Втората македонска фудбалска лига.
